ഷാജി കൈലാസ് സംവിധാനം ചെയ്യുന്ന ഹണ്ട് ഓഗസ്റ്റ് ഒമ്പതിന് തിയേറ്ററുകളിലെത്തും. ചിത്രത്തിന്റെ ടീസര്‍ പുറത്തുവിട്ടു. ഒരു ഹൊറര്‍ ത്രില്ലര്‍ ചിത്രമാണ് ഹണ്ട്.
മെഡിക്കല്‍ കാമ്പസാണ് ചിത്രത്തിന്റെ പശ്ചാത്തലം. കാമ്പസ്സിലെ ചില ദുരൂഹ മരണങ്ങളുടെ ചുരുളുകളാണ് ചിത്രം നിവര്‍ത്തുന്നത്. അത്യന്തം സസ്‌പെന്‍സ് നിലനിര്‍ത്തി അവതരിപ്പിക്കുന്ന ഈ ചിത്രത്തില്‍ ഭാവന മുഖ്യ കഥാപാത്രത്തെ അവതരിപ്പിക്കുന്നു. അതിഥി രവി, രാഹുല്‍ മാധവ്, അജ്മല്‍ അമീര്‍, അനു മോഹന്‍, ചന്തു നാഥ്, രണ്‍ജി പണിക്കര്‍, ഡെയ്ന്‍ ഡേവിഡ്, നന്ദു, വിജയകുമാര്‍, ജി.സുരേഷ് കുമാര്, ബിജു പപ്പന്‍, കോട്ടയം നസീര്‍, പത്മരാജ് രതീഷ്, കൊല്ലം തുളസി, സുധി പാലക്കാട്, ദിവ്യാ നായര്‍, സോനു എന്നിവരും പ്രധാന താരങ്ങളാണ്.
തിരക്കഥ നിഖില്‍ ആന്റെണി. ഗാനങ്ങള്‍ സന്തോഷ് വര്‍മ്മ, ഹരി നാരായണന്‍ സംഗീതം കൈലാസ് മേനോന്‍ , ഛായാഗ്രഹണം ജാക്‌സണ്‍ ജോണ്‍സണ്‍, എഡിറ്റിംഗ് അജാസ് മുഹമ്മദ്. കലാസംവിധാനം ബോബന്‍. മേക്കപ്പ് പി.വി.ശങ്കര്‍. കോസ്റ്റ്യും ഡിസൈന്‍ ലിജി പ്രേമന്‍. ചീഫ് അസ്റ്റോസ്സിയേറ്റ് ഡയറക്ടര്‍ മനു സുധാകര്‍ ഓഫീസ് നിര്‍വഹണം ദില്ലി ഗോപന്‍. പ്രൊഡക്ഷന്‍ എക്‌സിക്കുട്ടീവ്‌സ് ഷെറിന്‍ സ്റ്റാന്‍ലി. പ്രതാപന്‍ കല്ലിയൂര്‍. പ്രൊഡക്ഷന്‍ കണ്‍ടോളര്‍ സഞ്ജു ജെ.
ജയലഷ്മി ഫിലിംസിന്റെ ബാനറില്‍ കെ.രാധാകൃഷ്ണന്‍ നിര്‍മ്മിക്കുന്ന ഹണ്ട് ഈ ഫോര്‍ എന്റര്‍ടൈംമെന്റ് പ്രദര്‍ശനത്തിനെത്തിക്കുന്നു.
