കോട്ടയം: കുറവിലങ്ങാട് എംസി റോഡില് ടൂറിസ്റ്റ് ബസ് മറിഞ്ഞ് ഒരാള് മരിച്ചു. കണ്ണൂര് ഇരിട്ടി സ്വദേശിയായ സിന്ധു (45) ആണ് മരിച്ചത്. നിരവധി യാത്രക്കാര്ക്ക് പരിക്കേറ്റിട്ടുണ്ട്. ചീങ്കല്ലയില് പള്ളിക്ക് സമീപത്ത് പുലര്ച്ചെ രണ്ടുമണിയോടെയാണ് അപകടം ഉണ്ടായത്. തിരുവനന്തപുരത്ത് നിന്ന് ഇരിട്ടിയിലേക്ക് പോകുകയായിരുന്ന ബസാണ് അപകടത്തില്പ്പെട്ടത്.
കണ്ണൂര് ഇരിട്ടി സ്വദേശികളാണ് ബസിലുണ്ടായിരുന്നത്. ചീങ്കല്ലയില് പള്ളിക്ക് സമീപമുള്ള വളവ് കടക്കുന്നതിനിടെ വാഹനം നിയന്ത്രണം വിട്ട് മറിയുകയായിരുന്നു. 49 പേര് ബസിലുണ്ടായിരുന്നു. ഇതില് 18ഓളം പേര്ക്കാണ് പരിക്കേറ്റത്. ഇവരെ കോട്ടയം മെഡിക്കല് കോളജ് ആശുപത്രിയിലും സമീപത്തെ സ്വകാര്യ ആശുപത്രിയിലുമായി പ്രവേശിപ്പിച്ചിട്ടുണ്ട്.
