തിരുവനന്തപുരം: സംസ്ഥാനത്തെ തദ്ദേശസ്ഥാപനങ്ങളുടെ അന്തിമവോട്ടര്പട്ടികയില് ആകെ 2,84,46,762 വോട്ടര്മാര്. തദ്ദേശസ്ഥാപനങ്ങളിലെ വാര്ഡ് പുനര്വിഭജനത്തിന് ശേഷം പുതിയ വാര്ഡുകളിലെ പോളിങ് സ്റ്റേഷനടിസ്ഥാനത്തിലാണ് പുതുക്കിയ അന്തിമവോട്ടര്പട്ടിക തയ്യാറാക്കിയിട്ടുള്ളത്.
2025 ജനുവരി ഒന്നിനോ അതിന് മുന്പോ 18 വയസ് പൂര്ത്തിയായവരെ ഉള്പ്പെടുത്തിയാണ് പട്ടിക തയ്യാറാക്കിയത്. ഇതിനു പുറമെ, പ്രവാസി വോട്ടര്പട്ടികയില് ആകെ 2,798 പേരുണ്ട്. 14 ജില്ലകളിലായി 941 ഗ്രാമപഞ്ചായത്തുകളിലെ 17,337 വാര്ഡുകളിലെയും 87 മുനിസിപ്പാലിറ്റികളിലെ 3,240 വാര്ഡുകളിലെയും ആറ് കോര്പ്പറേഷനുകളിലെ 421 വാര്ഡുകളിലെയും അന്തിമ വോട്ടര്പട്ടികയാണ് പ്രസിദ്ധീകരിച്ചത്.
മട്ടന്നൂര് നഗരസഭ ഒഴികെയുള്ള തദ്ദേശസ്ഥാപനങ്ങളില് പൊതുതെരഞ്ഞെടുപ്പിന് വേണ്ടിയാണ് വോട്ടര്പട്ടിക തയ്യാറാക്കിയിട്ടുള്ളത്. വോട്ടര്പട്ടിക കമ്മിഷന്റെ വെബൈ്സറ്റിലും അതാത് തദ്ദേശസ്ഥാപനങ്ങളിലും താലൂക്ക്, വില്ലേജ് ഓഫീസുകളിലും പരിശോധനയ്ക്ക് ലഭ്യമാണ്. കരട് വോട്ടര്പട്ടിക സംബന്ധിച്ച് ഈ മാസം 14 വരെ ലഭിച്ച അപേക്ഷകളും ആക്ഷേപങ്ങളും പരിശോധിച്ചും ഹീയറിങ് നടത്തിയുമാണ് ഇലക്ടറല് രജി്രേസ്ടഷന് ഓഫീസര്മാര് (ഇ.ആര്.ഒ) അന്തിമ വോട്ടര്പട്ടിക തയ്യാറാക്കിയത്.
സംക്ഷിപ്തപുതുക്കലിനായി സെപ്തംബര് 29 ന് പ്രസിദ്ധീകരിച്ച കരട് പട്ടികയില് 2,83,12,468 വോട്ടര്മാരാണുണ്ടായിരുന്നത്. 1,33,52,961 പുരുഷന്മാരും 1,49,59,236 സ്ത്രീകളും 271 ട്രാന്സ്ജെന്ഡര്മാരും. ഇതിനു പുറമെ 2087 പ്രവാസി വോട്ടര്മാരും.
