പാലക്കാട്: വടകരയിലെ വിവാദമായ കാഫിര് സ്ക്രീന് ഷോട്ടില് നിയമ നടപടി തുടരുമെന്ന് ഷാഫി പറമ്പില്. ആദ്യം പ്രചരിച്ചത് ഇടത് സൈബര് വാട്സ് ആപ് ഗ്രൂപ്പുകളിലെന്ന പൊലീസ് കണ്ടെത്തലിനു പിന്നാലെയാണ് ഷാഫിയുടെ പ്രതികരണം.
കോടതി ചെവിക്കു പിടിച്ചതുകൊണ്ടാണ് ഇത്രയെങ്കിലും പുറത്തു വന്നത്. വിവാദത്തിനു പിന്നില് അടിമുടി സിപിഎമ്മുകാരാണ് പക്ഷെ എന്തുകൊണ്ടോ അവരെ പ്രതികളാക്കുന്നില്ലെന്ന് ഷാഫി പറഞ്ഞു. വര്ഗീയത ഉപയോഗിച്ച് ജയിക്കുന്നതിലും നല്ലത് തോല്ക്കുന്നതാണ്. ഇന്നലെയും ഇന്നും നാളെയും ഇത്തരം കാര്യം ചെയ്യില്ല. സിപിഎം.പ്രവര്ത്തകര് തന്നെ ഇതിനെ എതിര്ക്കണം. പോരാളിമാരുടെ മുഖം തെളിഞ്ഞു വരുന്നത് നല്ലതാണ്. ആരുടേയും ഒറ്റ ബുദ്ധിയില് തോന്നിയതായി തോന്നുന്നില്ലെന്നും പാര്ട്ടി പങ്കുള്ളതിനാല് അന്വേഷണം വൈകുന്നുവെന്നും അദ്ദേഹം ആരോപിച്ചു
കഴിഞ്ഞ ലോക്സഭാ തെരഞ്ഞെടുപ്പിന് തൊട്ടുതലേന്നാണ് പോരാളി ഷാജി , അമ്പാടിമുക്ക് സഖാക്കള് കണ്ണൂര് തുടങ്ങിയ ഇടത് ഫേസ് ബുക്ക് പേജുകളില് വ്യാജ കാഫിര് ഷോട്ട്് പ്രചരിപ്പിച്ചത്. സംഭവവുമായി ബന്ധപ്പെട്ട ലീഗ് പ്രവര്ത്തകനായ മുഹമ്മദ് ഖാസിമിനെ പ്രതിയാക്കുകയും ചെയ്തു. ഇതിനെതിരെ ഖാസിം നല്കിയ ഹര്ജിയിലാണ് ഹൈക്കോടതിയില് പൊലീസിന്റെ അന്വേഷണ പുരോഗതി റിപ്പോര്ട്ട് എത്തിയത്.
