ഉല്ലാസത്തിന്റെ നിമിഷങ്ങള്. അടുത്ത നിമിഷം നിലവിളികള്.
തിരുവനന്തപുരത്തെ അമ്യൂസ്മെന്റ് പാര്ക്കില് ഇന്ന് നമ്മള് കണ്ടത് ഇതാണ്.
ഒരു റൈഡ് പൊട്ടിവീഴുന്നു.
ആളുകള് ഭയന്നോടുന്നു.
പലര്ക്കും ഗുരുതരമായി പരിക്കേല്ക്കുന്നു.
നമ്മള് കുട്ടികളുമായി ഇത്തരം പാര്ക്കുകളിലേക്ക് പോകുന്നത് എന്തിനാണ്?
കുറച്ചുനേരം സന്തോഷിക്കാന്. ഒന്നു ചിരിക്കാന്.
പക്ഷേ, ആ ചിരി ഒരു ദുരന്തമായി മാറാന് എത്ര സമയം വേണം?
വെറും ഒരു സെക്കന്ഡ്!
ഇത് ആദ്യത്തെ സംഭവമല്ല.
കേരളത്തില് ഇത്തരം അപകടങ്ങള് ഇപ്പോള് ഒരു പതിവ് വാര്ത്തയായി മാറുകയാണ്.
ഓരോ അപകടം നടക്കുമ്പോഴും അധികാരികള് വരും.
അന്വേഷണം പ്രഖ്യാപിക്കും.
കുറച്ചു ദിവസം കഴിഞ്ഞ് എല്ലാവരും അത് മറക്കും.
എന്താണ് യഥാര്ത്ഥത്തില് ഇവിടെ സംഭവിക്കുന്നത്?
എവിടെയാണ് നമുക്ക് പാളിച്ച സംഭവിക്കുന്നത്?
ഈ ചോദ്യങ്ങള്ക്ക് ഉത്തരം കണ്ടെത്തേണ്ട സമയം അതിക്രമിച്ചിരിക്കുന്നു.
ഞെട്ടിക്കുന്ന അപകടങ്ങളുടെ ഡാറ്റ
കഴിഞ്ഞ കുറച്ചു വര്ഷങ്ങളിലെ കണക്കുകള് മാത്രം പരിശോധിച്ചാല് നമ്മള് ഞെട്ടിപ്പോകും.
കേരളത്തിലെ പ്രമുഖ അമ്യൂസ്മെന്റ് പാര്ക്കുകളില് പോലും മനുഷ്യജീവനുകള്ക്ക് ഒരു വിലയുമില്ല.
ഏറ്റവും ഒടുവില്, ഇന്ന് തിരുവനന്തപുരത്തുണ്ടായ അപകടം നമ്മള് കണ്ടു.
മെക്കാനിക്കല് തകരാര് മൂലം റൈഡ് തകര്ന്നു വീഴുകയായിരുന്നു.
ഇതിന് തൊട്ടുമുന്പുള്ള വര്ഷങ്ങളില് എന്താണ് സംഭവിച്ചത്?
പ്രധാന വിനോദസഞ്ചാര കേന്ദ്രമായ ഇടുക്കിയിലെ അവസ്ഥ നോക്കൂ.
ഇടുക്കി ചിത്തിരപുരത്തും വാഗമണ്ണിലുമുള്ള അഡ്വഞ്ചര് പാര്ക്കുകളില് തുടര്ച്ചയായി അപകടങ്ങള് ഉണ്ടായി.
സിപ്പ് ലൈന് റൈഡിനിടയിലുണ്ടായ സാങ്കേതിക തകരാര് മൂലം വിനോദസഞ്ചാരികള് മണിക്കൂറുകളോളം വായുവില് കുടുങ്ങിക്കിടന്നു.
സുരക്ഷാ ബെല്റ്റുകള് കൃത്യമായി പരിശോധിക്കാത്തതു മൂലം സാഹസിക റൈഡുകളില് നിന്ന് ആളുകള് താഴേക്ക് വീണു.
മലയോര ടൂറിസത്തിന്റെ മറവില് യാതൊരു സുരക്ഷാ ഓഡിറ്റും ഇല്ലാതെയാണ് പല റൈഡുകളും പ്രവര്ത്തിക്കുന്നത്.
വയനാട്ടിലെ ഒരു പ്രമുഖ ടൂറിസം കേന്ദ്രത്തില് സ്ഥാപിച്ച സിപ്പ് ലൈന് പൊട്ടി വിനോദസഞ്ചാരി താഴേക്ക് പതിച്ചത് കഴിഞ്ഞ വര്ഷമാണ്.
സാഹസിക ടൂറിസമെന്ന പേരില് ഗുണനിലവാരമില്ലാത്ത കയറുകളും തുരുമ്പിച്ച ഹുക്കുകളും ഉപയോഗിച്ചതിന്റെ ഫലമായിരുന്നു അത്.
ഭാഗ്യം കൊണ്ട് മാത്രമാണ് അന്ന് ഒരു ജീവന് രക്ഷപെട്ടത്.
അതുപോലെ 2025 ഒക്ടോബറില് കൊച്ചിയിലെ ഒരു പ്രമുഖ മാളില് താല്ക്കാലികമായി സജ്ജീകരിച്ച കുട്ടികളുടെ റൈഡ് തകര്ന്നു വീണു.
സുരക്ഷാ ഓഡിറ്റുകള് വെറും പ്രഹസനമാണെന്ന് അടിവരയിടുന്നതായിരുന്നു ആ സംഭവം.
ഇനി അല്പം കൂടി പിന്നോട്ട് പോയാല്, 2024 ഏപ്രിലില് തിരുവനന്തപുരം കാട്ടാക്കട ചന്തവിള പൂരപ്പറമ്പിലെ താല്ക്കാലിക അമ്യൂസ്മെന്റ് പാര്ക്കില് ജയന്റ് വീല് കറങ്ങിക്കൊണ്ടിരിക്കെ പെട്ടെന്ന് തകര്ന്നു വീണു.
കുട്ടികളടക്കം 8 പേര്ക്കാണ് അന്ന് ഗുരുതരമായി പരിക്കേറ്റത്.
അതേ വര്ഷം, 2024 മെയില് മലപ്പുറത്തെ ഒരു പാര്ക്കില് വാട്ടര് റൈഡിലെ ബോട്ട് മറിഞ്ഞ് ഒരു കുടുംബത്തിലെ മൂന്ന് പേര്ക്ക് പരിക്കേറ്റു.
പരിശോധിച്ചപ്പോള് ഒന്നിനും കൃത്യമായ ഫിറ്റ്നസ് സര്ട്ടിഫിക്കറ്റ് ഇല്ലായിരുന്നു!
പഴയ ഒരു സംഭവമുണ്ട്.
കൊച്ചിയിലെ പ്രമുഖ പാര്ക്കായ വണ്ടര്ലായില് റൈഡില് നിന്ന് വീണ് നട്ടെല്ല് തകര്ന്ന്, ജീവിതകാലം മുഴുവന് വീല്ചെയറിലായ വിജേഷ് എന്ന യുവാവിനെ നമ്മള് മറന്നോ?
2023 ഫെബ്രുവരിയില് തൃശൂരിലെ സില്വര് സ്റ്റോം പാര്ക്കില് സ്കൂള് ടൂറിന് വന്ന കുട്ടികള് സഞ്ചരിച്ച ഫ്ലൈയിംഗ് കോസ്റ്റര് റൈഡ് തകര്ന്നു വീണ് പത്തിലധികം പേര്ക്കാണ് പരിക്കേറ്റത്.
കണക്കുകള് പ്രകാരം, ഓരോ വര്ഷവും ശരാശരി അമ്പതിലധികം ചെറുതും വലുതുമായ അപകടങ്ങളാണ് ഇത്തരം വിനോദകേന്ദ്രങ്ങളില് കേരളത്തില് മാത്രം റിപ്പോര്ട്ട് ചെയ്യപ്പെടുന്നത്.
ഇതില് ഭൂരിഭാഗവും വലിയ വാര്ത്തകളാകാതെ പണം നല്കി ഒതുക്കിത്തീര്ക്കുകയാണ് പതിവ്.
ഇനി നമ്മള് ഗൗരവമായി ചിന്തിക്കേണ്ടത്, എന്തുകൊണ്ട് ഈ വിഷയം നമ്മള് ചര്ച്ച ചെയ്യണം എന്നാണ്.
ഇത് വെറുമൊരു സാങ്കേതിക തകരാറല്ല.
ഇത് വ്യക്തമായ കൊലപാതക ശ്രമമാണ്.
ഒരു അമ്യൂസ്മെന്റ് പാര്ക്കില് കയറുമ്പോള് വലിയ തുകയാണ് ടിക്കറ്റിനായി നല്കുന്നത്.
ആ പണം നല്കുന്നത് വിനോദത്തിന് മാത്രമല്ല, നമുക്കു ലഭ്യമാക്കുന്ന സുരക്ഷിതത്വത്തിനും കൂടിയാണ്.
സുരക്ഷ ഉറപ്പാക്കാന് പാര്ക്ക് അധികൃതര്ക്ക് നിയമപരമായ ബാധ്യതയുണ്ട്.
കേരളത്തില് ഒരു റൈഡ് സ്ഥാപിക്കാന് നിരവധി വകുപ്പുകളുടെ അനുമതി വേണം.
തദ്ദേശ സ്ഥാപനങ്ങള്, പോലീസ്, ഫയര്ഫോഴ്സ്, ഇലക്ട്രിക്കല് ഇന്സ്പെക്ടറേറ്റ്…
ഇങ്ങനെ ഒരുപിടി ആളുകള് ഒപ്പിട്ടാലേ ലൈസന്സ് കിട്ടൂ.
പക്ഷേ, ഈ പരിശോധനകളെല്ലാം എങ്ങനെയാണ് നടക്കുന്നത്?
വര്ഷത്തിലൊരിക്കല് വന്ന് ചില ഉദ്യോഗസ്ഥര് നോക്കും. പേപ്പറില് ഒപ്പിടും, പോകും.
ദിവസേനയുള്ള അറ്റകുറ്റപ്പണികള് ആര് പരിശോധിക്കും?
രാവിലെ റൈഡ് ഓണ് ചെയ്യുന്നതിന് മുന്പ് പരിശോധിക്കാന് ഇവിടെ സംവിധാനമുണ്ടോ?
ഇല്ല എന്ന് തന്നെയാണ് ഓരോ അപകടങ്ങളും തെളിയിക്കുന്നത്.
കേരളത്തില് ടൂറിസം മേഖല വലിയ രീതിയില് വളരുകയാണ്.
ആളുകള്ക്ക് ഇത്തരം വിനോദങ്ങളോട് താല്പര്യം കൂടുന്നു.
അതുകൊണ്ട് തന്നെ ഈ മേഖലയിലെ അനാസ്ഥ ലക്ഷക്കണക്കിന് മനുഷ്യരുടെ ജീവനാണ് അപകടത്തിലാക്കുന്നത്.
ഇന്ന് തിരുവനന്തപുരത്തുണ്ടായ അപകടം നാളെ ഈ നാട്ടിലെവിടെയും സംഭവിക്കാം.
മുന്കരുതലുകളും പരിഹാരങ്ങളും
എന്താണ് ഇതിനൊരു പരിഹാരം?
ഇത്തരം അപകടങ്ങള് ഉണ്ടാകാതിരിക്കാന് നമ്മള് എന്താണ് ചെയ്യേണ്ടത്?
കേരളത്തില് വിദേശ രാജ്യങ്ങളിലേതുപോലെ ശക്തമായ ഒരു ‘റൈഡ് സേഫ്റ്റി അതോറിറ്റി’ വേണം. എല്ലാ റൈഡുകള്ക്കും ‘ഡെയ്ലി ഫിറ്റ്നസ് ചെക്ക്’ നിര്ബന്ധമാക്കണം. ുക എന്നതാണ്.
രാവിലെ റൈഡ് പൊതുജനങ്ങള്ക്ക് തുറന്നു കൊടുക്കുന്നതിന് മുന്പ് ഒരു ലൈസന്സുള്ള എന്ജിനീയര് അത് പരിശോധിച്ച് ഒപ്പിടണം.
ആ ഒപ്പ് ഡിജിറ്റലായി ഒരു സര്ക്കാര് പോര്ട്ടലില് അന്നുതന്നെ അപ്ലോഡ് ചെയ്യണം.
രണ്ടാമത്, ഒരു ക്യു ആര് കോഡ് സംവിധാനം കൊണ്ടുവരിക.
ഓരോ റൈഡിന് മുന്നിലും ഒരു ക്യു ആര് കോഡ് ഉണ്ടായിരിക്കണം.
അതില് സാധാരണക്കാര്ക്ക് മൊബൈല് വഴി സ്കാന് ചെയ്താല് ആ റൈഡ് അവസാനം എപ്പോഴാണ് സര്വീസ് ചെയ്തത്, അതില് കയറാന് സുരക്ഷിതമാണോ എന്ന് വ്യക്തമായി കാണാന് കഴിയണം.
അതുപോലെ തന്നെ പ്രധാനം, ജീവനക്കാരുടെ പരിശീലനമാണ്.
അപകടം ഉണ്ടായാല് എന്ത് ചെയ്യണം എന്ന് പല ജീവനക്കാര്ക്കും അറിയില്ല.
അവര് ഓടി രക്ഷപ്പെടുകയാണ് പതിവ്.
അവര്ക്ക് കൃത്യമായ ഫസ്റ്റ് എയ്ഡ്, ഡിസാസ്റ്റര് മാനേജ്മെന്റ് പരിശീലനം നല്കണം.
നിയമങ്ങള് ലംഘിക്കുന്ന പാര്ക്കുകള്ക്ക് വന് തുക പിഴ ചുമത്തണം.
ആവശ്യമെങ്കില് ലൈസന്സ് റദ്ദാക്കണം.
മനുഷ്യ ജീവനേക്കാള് വലുതല്ല ഒരു ബിസിനസ്സും, ഒരു ലാഭവും.
വിനോദം നമുക്ക് വേണം.
പക്ഷേ അത് ജീവന് പണയം വെച്ചാകരുത്.
അധികൃതര് ഉണര്ന്നു പ്രവര്ത്തിക്കേണ്ട സമയം അതിക്രമിച്ചിരിക്കുന്നു.
ഇനി ഒരു ദുരന്ത വാര്ത്ത കൂടി കേള്ക്കാന് നമുക്ക് ശേഷിയില്ല.
അതിനായി നിയമങ്ങള് ശക്തമാകട്ടെ, പരിശോധനകള് കര്ശനമാകട്ടെ.
അടുത്ത തവണ ഒരു പാര്ക്കില് പോകുമ്പോള്, ഒരു റൈഡില് കയറുമ്പോള് ഓര്ക്കുക…
സുരക്ഷ നമ്മുടെ അവകാശമാണ്. അത് ചോദിച്ചു വാങ്ങുക.
