തിരുവനന്തപുരം: സംസ്ഥാനത്ത് കനത്ത മഴ തുടരുമെന്ന് കാലാവസ്ഥാ മുന്നറിയിപ്പ്. അഞ്ചു ജില്ലകളില് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. മലപ്പുറം മുതല് കാസര്കോട് വരെയുള്ള ജില്ലകളിലാണ് തീവ്ര മഴ മുന്നറിയിപ്പ്. ഏഴു ജില്ലകളില് യെല്ലോ അലര്ട്ടും പുറപ്പെടുവിച്ചിട്ടുണ്ട്.
ഒറ്റപ്പെട്ടയിടങ്ങളില് മണിക്കൂറില് 40 കിലോമീറ്റര് വരെ വേഗതയില് വീശിയേക്കാവുന്ന ശക്തമായ കാറ്റിനും സാധ്യതയുണ്ടെന്ന് കേന്ദ്രകാലാവസ്ഥ വകുപ്പ് അറിയിച്ചു.
തെക്കന് ഛത്തീസ്ഗഡിനും വിദര്ഭക്കും മുകളിലായി ന്യൂനമര്ദ്ദം സ്ഥിതിചെയ്യുന്നുണ്ട്. വടക്കന് കേരള തീരം മുതല് തെക്കന് ഗുജറാത്ത്തീരം വരെ ന്യൂനമര്ദ്ദ പാത്തിയും നിലനില്ക്കുന്നുണ്ട്. ഇതാണ് മഴ ശക്തമാകാന് കാരണം. വടക്ക് പടിഞ്ഞാറന് ബംഗാള് ഉള്ക്കടലില് മറ്റന്നാള് മറ്റൊരു ന്യൂനമര്ദ്ദം രൂപപ്പെട്ടേക്കും.
