തിരുവനന്തപുരം: സംസ്ഥാനത്ത് ശക്തമായ മഴ തുടരുമെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ഇന്ന് 5 ജില്ലകളില് യെല്ലോ അലേര്ട്ട് പ്രഖ്യാപിച്ചിട്ടുണ്ട്. മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലാണ് ശക്തമായ മഴ മുന്നറിയിപ്പുള്ളത്. മഴക്കൊപ്പം മണിക്കൂറില് 50 കിലോമീറ്റര് വരെ വേഗതയില് വീശിയേക്കാവുന്ന കാറ്റിനും സാധ്യതയുണ്ട്.
വടക്കന് ചത്തീസ്ഗഡിന് മുകളില് ചക്രവാത ചുഴിയും, വടക്കന് കേരള തീരം മുതല് ഗുജറാത്ത് തീരം വരെ ന്യൂനമര്ദ്ദ പാത്തിയും നിലനില്ക്കുന്നതിനാലാണ് മധ്യ വടക്കന് ജില്ലകളില് മഴ ശക്തമായി തുടരുന്നത്.
