നമ്മുടെ കൈകളിലിരിക്കുന്ന കറന്സി നോട്ടുകളുടെ രൂപവും ഭാവവും മാറാന് പോകുന്നു എന്ന സൂചന നല്കുന്ന വാര്ത്തകളാണ് റിസര്വ് ബാങ്കില് നിന്നും വരുന്നത്. ഇന്ത്യയില് പോളിമര് അഥവാ പ്ലാസ്റ്റിക് കറന്സി നോട്ടുകള് അവതരിപ്പിക്കുന്നതിനെക്കുറിച്ച് ആര്ബിഐ ഗൗരവമായി ആലോചിക്കുകയാണ്.
മുംബൈയിലും പട്നയിലും അടുത്തിടെ നടന്ന ബോര്ഡ് യോഗങ്ങളില് ഈ വിഷയം സജീവമായി ചര്ച്ച ചെയ്യപ്പെട്ടു. നിലവില് ഇന്ത്യയില് കറന്സി അച്ചടിക്കാനുള്ള ചെലവ് വളരെ കൂടുതലാണ്. കൂടാതെ കടലാസ് നോട്ടുകള് പെട്ടെന്ന് കീറിപ്പോകുന്നതും കേടുവരുന്നതും ആര്ബിഐക്ക് വലിയ സാമ്പത്തിക ബാധ്യത ഉണ്ടാക്കുന്നുണ്ട്. ഈ സാഹചര്യത്തിലാണ് ദീര്ഘകാലം ഈടുനില്ക്കുന്നതും, കള്ളനോട്ടുകള് അടിക്കാന് ബുദ്ധിമുട്ടുള്ളതുമായ പോളിമര് നോട്ടുകളിലേക്ക് മാറാന് ആലോചിക്കുന്നത്. ലോകത്തിലെ പല വികസിത രാജ്യങ്ങളും ഇതിനകം പ്ലാസ്റ്റിക് നോട്ടുകളിലേക്ക് മാറിക്കഴിഞ്ഞു.
കറന്സി നിര്മ്മാണത്തിലെ സാമ്പത്തിക ബാധ്യത കുറയ്ക്കാന് ഈ മാറ്റം സഹായിക്കുമെങ്കിലും, പുതിയ നോട്ടുകളോട് ഇന്ത്യന് ജനത എത്രത്തോളം വേഗത്തില് പൊരുത്തപ്പെടുമെന്നത് കണ്ടറിയണം.
 കറൻസി നോട്ടുകൾ അവതരിപ്പിക്കുന്നത് ആർബിഐ പരിഗണിക്കുന്നു. കൂടുതൽ ഈടുനിൽപ്പും കള്ളനോട്ടുകൾ തടയാനുള്ള സുരക്ഷയും ലക്ഷ്യമിട്ടാണ് പുതിയ നീക്കം.){kind=link}