പാലക്കാട്: മകളുമായി ചിറ്റൂര് താലൂക്ക് ആശുപത്രിയിലെത്തിയ അമ്മയെ പാമ്പ് കടിച്ചു. ഇന്ന് രാവിലെ 11 മണിക്കായിരുന്നു സംഭവം. പാലക്കാട് പുതുനഗരം കരിപ്പോട് സ്വദേശിനി ഗായത്രിക്കാണ് പാമ്പ് കടിയേറ്റത്. ആശുപത്രിയിലെ സ്ത്രീകളുടെ വാര്ഡില് നിന്നാണ് പാമ്പുകടിയേറ്റത്. ഗായത്രിയെ പാവലക്കാട് ജില്ലാ ആശുപത്രിയില് പ്രവേശിപ്പിച്ചു.
ഇന്നലെ രാത്രി ഗായത്രിയുടെ മകള്ക്ക് പനിയായി ഹോസ്പിറ്റലില് അഡ്മിറ്റ് ചെയ്തിരുന്നു. അതിനിടെ രാവിലെ യൂറിന് പരിശോധിക്കാന് ആവശ്യപ്പെട്ടു. അതിനിടെ തറയില് യൂറിന് വീണു. അത് തുടക്കാന് ചൂലെടുക്കാന് പോയ സമയത്താണ് ഗായത്രിയുടെ കയ്യില് പാമ്പ് കടിച്ചത്.
അവിടെ പെരുച്ചാഴിയും എലിയും ഉള്പ്പെടെ ഉണ്ടെന്നും വൃത്തിഹീനമായ അവസ്ഥയാണെന്നും വാര്ഡ് മെംബര് ചൂണ്ടിക്കാട്ടി. സംഭവത്തില് ശക്തമായ നടപടി വേണമെന്നും ഗായത്രിയുടെ ബന്ധുക്കള് ആവശ്യപ്പെട്ടു.
