ഓരോ വിദ്യാര്ത്ഥിയും
ഓരോ കുടുംബത്തിന്റെയും
ഓരോ സ്വപ്നങ്ങളാണ്
പ്രതീക്ഷകളാണ്
പ്രതീക്ഷകളും സ്വപ്നങ്ങളും പക്ഷേ… കൊഴിഞ്ഞുവീഴുമ്പോഴുള്ള നടുക്കം ഒരു വാര്ത്തയായി മാത്രം മാറുന്നു.
കണ്ണൂരിലെ അഞ്ചരക്കണ്ടി ഡെന്റല് കോളേജില് സംഭവിച്ചതെന്താണ്? പഠിച്ചിരുന്ന നിതിന് രാജ്…
ആ വിദ്യാര്ത്ഥിയുടെ നിതിന്രാജിന്റെ മരണം വ്യക്തിപരമായ ദുരന്തം മാത്രമാണോ?
അല്ലെങ്കില്… കേരളത്തിലെ യുവത്വത്തിന്റെ പരാജയത്തിന്റെ അടയാളമാണോ?
ഇത് ഒരു ആത്മഹത്യയുടെ കഥയല്ല…
ഇത് ഒരു ‘പ്രതികരണശേഷി നഷ്ടപ്പെട്ട സമൂഹത്തിന്റെ’ കഥയാണ്.
നിതിന് രാജ്…
ഒരു സാധാരണ വിദ്യാര്ത്ഥി. ഡോക്ടറാകാനുള്ള സ്വപ്നവുമായി അഞ്ചരക്കണ്ടി ഡെന്റല് കോളജിലേക്ക് കടന്നുവന്ന ചെറുപ്പക്കാരന്.
പക്ഷേ, കോളേജ് ജീവിതം…
അവനെ പഠനത്തിന്റെ വഴിയില് മുന്നോട്ട് കൊണ്ടുപോയില്ല.
മറിച്ച്… സമ്മര്ദ്ദങ്ങളുടെ, ഭീഷണികളുടെ, മാനസിക പീഡനങ്ങളുടെ അഴിയാക്കുരുക്കുകളിലേക്ക് തള്ളിവിട്ടു.
അറ്റന്ഡന്സ്…
ഇന്റേണല് മാര്ക്ക്…
അധികാരം…
ഇവയെല്ലാം വിദ്യാര്ത്ഥികളെ നിയന്ത്രിക്കുന്ന ആയുധങ്ങളായി മാറുമ്പോള്…
ഒരു വിദ്യാര്ത്ഥിക്ക് പ്രതികരിക്കാന് ധൈര്യം ഉണ്ടാകുമോ?
നിതിന് പ്രതികരിച്ചില്ല…
അവന് മിണ്ടാതെയായി…
അവസാനം… അവന് ഇല്ലാതെയായി.
പക്ഷേ, ഇവിടെ ഒരു ചോദ്യം ഉയരുന്നു…
നിതിന് മാത്രമാണോ നിശബ്ദതപാലിച്ചത്?
അല്ലെങ്കില്… ആ കാമ്പസിലെ മുഴുവന് വിദ്യാര്ത്ഥികളും നിശബ്ദരാക്കപ്പെട്ടോ?
ഇന്ന് കേരളത്തിലെ ക്യാമ്പസുകളില്
അനീതികള് ഇല്ലേയെന്ന് ചോദിച്ചാല് – ഉണ്ട്.
പീഡനങ്ങള് ഇല്ലേയെന്ന് ചോദിച്ചാല് – ഉണ്ട്.
പക്ഷേ…
പ്രതികരണം ഉണ്ടോ?
മൗനം പാലിക്കുന്ന ഒരു തലമുറയാണ് നമുക്ക് മുന്നില്.
പ്രതിഷേധിക്കാന് ഭയക്കുന്ന ഒരു തലമുറ.
അവകാശങ്ങള് അറിയാമെങ്കിലും, അവ ആവശ്യപ്പെടാന് ധൈര്യമില്ലാത്ത ഒരു തലമുറ.
എന്തുകൊണ്ട് ഈ മൗനം?
ഒരു പ്രധാന കാരണം – ഭയം.
”അറ്റന്ഡന്സ് കുറയും…’
‘മാര്ക്ക് നഷ്ടമാകും…’
‘തോല്പ്പിക്കും…’
ഇവയാണ് ഇന്ന് വിദ്യാര്ത്ഥികളുടെ ജീവിതം നിയന്ത്രിക്കുന്ന മൂന്ന് വാക്കുകള്.
ഒരു വിദ്യാര്ത്ഥിക്ക് പഠനത്തേക്കാള് കൂടുതല് പേടിയാണ്, തന്റെ മേല് ചുമത്തപ്പെടുന്ന അകാരണമായ നിയന്ത്രണങ്ങള്ക്കെതിരേ പ്രതികരിക്കാന്.
വിദ്യാഭ്യാസം മനുഷ്യനെ സ്വതന്ത്രനാക്കേണ്ടതാണ്…
പക്ഷേ ഇവിടെ അത് ഭയത്തിലൂടെ അടിച്ചമര്ത്തുന്നു.
പക്ഷേ… ഈ കഥയില് മറ്റൊരു വലിയ വില്ലന് കൂടി മറഞ്ഞിരിപ്പുണ്ട്
വില്ലനായെത്തുന്ന മാതാപിതാക്കള്
”എന്റെ മകന് ഡോക്ടറാകണം…’
‘എന്റെ മകള് എഞ്ചിനീയറാകണം…’
സ്വപ്നങ്ങളാണ്…
ഇതൊക്കെ കുട്ടികളുടെ സ്വപ്നങ്ങളാണോ?
അല്ലെങ്കില് മാതാപിതാക്കളുടെ ആഗ്രഹങ്ങളാണോ?
കുട്ടികളെ അവരുടെ കഴിവുകള് നോക്കി വളര്ത്തുന്നതിനു പകരം…
ഒരു മോള്ഡില് പകര്ത്തിയെടുക്കുന്ന മാതാപിതാക്കള്.
അവിടെ
ചിന്തിക്കാന് സ്വാതന്ത്ര്യമില്ല…
തിരഞ്ഞെടുക്കാന് അവസരമില്ല…
പരാജയപ്പെടാന് പോലും അനുമതിയില്ല.
അങ്ങനെ വളര്ന്ന ഒരു കുട്ടിക്ക്…തനിക്കു നേരേ ഉയരുന്ന അനീതികള്ക്കെതിരേ പ്രതിഷേധിക്കാന് എങ്ങനെ സാധിക്കും?
ഇനി ഈ കഥയില് മറഞ്ഞിരിക്കുന്ന മറ്റൊരു വില്ലനെക്കുറിച്ച് ആരും , ഒരു മാധ്യമങ്ങളും പരാമര്ശിക്കുന്നേയില്ല. അഞ്ചരക്കണിയിലെ കോളജ് എന്നല്ലാെതെ ഈ കോളജിനെക്കുറിച്ച് പൊതുജനത്തിന് എന്തറിയാം. കോളജിന്റെ മാനേജ്മെന്റ് ആരാണെന്ന് പരാമര്ശിക്കപ്പെടാതിരിക്കാന് നമ്മുടെ മാധ്യമങ്ങള് പ്രത്യേകം ശ്രദ്ധിക്കുന്നുണ്ട്. ഈ മാനേജ്മെന്റല്ലേ ഇതിലെ ഒന്നാം പ്രതി. ഇത്രയും സൈക്കോകളായ അധ്യാപകരെ അവര്ക്കെതിരെ കുട്ടികളുടെ പരാതികളുണ്ടായിട്ടും നിലനിര്ത്തിക്കൊണ്ടുപോയ മാനേജ്മെന്റ്ിനെ മാറ്റിനിര്ത്താന് കഴിയുമോ. പകല്വെളിച്ചത്തിലേക്ക് ആദ്യം നീക്കിനിര്ത്തേണ്ടത് മാനേജ്മെന്റിനെയല്ലേ..
മറഞ്ഞിരിക്കുന്ന വില്ലന്-മാനേജ്മെന്റ്
ഇന്ന് കേരളത്തിലെ യുവത്വം
വളരെയധികം പഠിച്ചവരാണ്.
ടെക്നോളജി അറിയുന്നവരാണ്.
ലോകത്തെക്കുറിച്ച് ബോധമുള്ളവരാണ്.
പക്ഷേ…
അവര്ക്ക് സ്വയം തിരിച്ചറിയല് ഉണ്ടോ?
അവരുടെ ജീവിതം മാര്ക്കിനും റാങ്കിനും ജോലിക്കും ചുറ്റും മാത്രം സഞ്ചരിക്കുന്നു.
സമൂഹത്തിലെ അനീതികള്ക്കെതിരെ ശബ്ദമുയര്ത്താന് കഴിയുന്ന സാമൂഹിക ബോധം നഷ്ടപ്പെട്ടിരിക്കുന്നു.
ഒരു തലമുറ സിസ്റ്റത്തിന് അനുസരിച്ച് ജീവിക്കാന് മാത്രം പഠിച്ചു. സിസ്റ്റത്തെ ചോദ്യം ചെയ്യാന് സാധിക്കുന്നില്ല.
യുവത്വം എന്താണ് മൗനം പാലിക്കുന്നത്
ഇവിടെ സമൂഹവും കുറ്റക്കാരാണ്.
ഒരു സംഭവം നടക്കുമ്പോള്…
ഒരു ദിവസമോ രണ്ട് ദിവസമോ വാര്ത്തയാകും…
പിന്നെ എല്ലാം മായും.
നിതിന് രാജ്…
നാളെ മറ്റൊരു പേരായി മാറും.
ഈ മറവിയാണ് ഏറ്റവും വലിയ അപകടം.
നമ്മള് മറക്കുന്നു…
നമ്മള് മിണ്ടാതിരിക്കുന്നു…
അങ്ങനെ…
അടുത്ത നിതിന് രാജിനെ സൃഷ്ടിക്കുന്നു.
നിതിന് രാജിന്റെ മരണം…
ഒരു അവസാനമല്ല.
അത് ഒരു ചോദ്യം ആണ്.
നമ്മുടെ വിദ്യാഭ്യാസ സംവിധാനം ശരിയായ വഴിയിലാണോ?
നമ്മുടെ മാതാപിതാക്കള് കുട്ടികളെ ശരിയായി മനസ്സിലാക്കുന്നുണ്ടോ?
നമ്മുടെ യുവത്വം എന്തുകൊണ്ട് മിണ്ടാതിരിക്കുന്നു?
ഇവയ്ക്ക് ഉത്തരങ്ങള് കണ്ടെത്തിയില്ലെങ്കില്…
ഇതുപോലുള്ള സംഭവങ്ങള് വീണ്ടും വീണ്ടും ആവര്ത്തിക്കും.
പ്രതികരണശേഷി നഷ്ടപ്പെട്ട യുവത്വം…
ഒരു സമൂഹത്തിന്റെ ഏറ്റവും വലിയ പരാജയമാണ്.
‘ഒരു വിദ്യാര്ത്ഥി മരിക്കുമ്പോള്…
അത് ഒരു വ്യക്തിയുടെ പരാജയമല്ല…
അത് ഒരു സമൂഹത്തിന്റെ പരാജയമാണ്.”
നിതിന് രാജ്…ഒരു പേര് മാത്രമല്ല…
ഒരു മുന്നറിയിപ്പാണ്
ഡോക്ടറാകാനുള്ള സ്വപ്നവുമായി കോളേജിലേക്കെത്തിയ നിതിന് സംഭവിച്ചത്
