മലയാളിയെ നാണംകെടുത്തുന്ന ജന്മങ്ങള്‍; ഷിരൂരിലും കേരളത്തിലും സംഭവിച്ചത്

രണ്ടുനാള്‍ കൊണ്ട് തണ്ടിലേറ്റുകയും അതിലും വേഗത്തില്‍ തോളില്‍ മാറാപ്പ് കേറ്റുകയും ചെയ്യുന്ന സോഷ്യല്‍മീഡിയായുടെ തനിനിറമാണ് ഈ ദിവസങ്ങളില്‍ കേരളത്തില്‍ കാണുന്നത്. ഷിരൂരില്‍ മണ്ണിടിച്ചിലില്‍ അര്‍ജുന്‍ എന്ന ലോറി ഡ്രൈവറെ കാണാതായതിനെ തുടര്‍ന്നുള്ള കാര്യങ്ങളെക്കുറിച്ചാണ് പറഞ്ഞുവരുന്നത്. അര്‍ജുനെ കാണാതായി രണ്ടുനാള്‍ കഴിഞ്ഞിട്ടും അര്‍ജുനായുള്ള തെരച്ചില്‍ കാര്യമായി നടക്കുന്നില്ലെന്നു കണ്ടപ്പോഴാണ് കുടുംബം മാധ്യമങ്ങളെ സമീപിക്കുന്നത്. തുടര്‍ന്നാണ് വിഷയം ഗൗരവമായതും കേരള സര്‍ക്കാര്‍ ഇടപെട്ടതും തെരച്ചിലിന് വേഗത കൈവന്നതും. ഇവിടെ നടന്നത് യഥാര്‍ത്ഥ മാധ്യമധര്‍മം. പക്ഷേ, തുടര്‍ന്നങ്ങോട്ട് സംഭവിച്ചത് മലയാളിക്കു നാണക്കേടുണ്ടാക്കുന്നതായിരുന്നു. […]