യൂറോപ്പില്‍ തെരുവുകള്‍ പുകയുകയാണ്!
ഇത് ഒരു സാധാരണ പ്രതിഷേധമല്ല. ഒരു ഭൂഖണ്ഡം ആകെ കത്തിപ്പടരുന്ന ജനരോഷമാണ്!
ഫ്രാന്‍സില്‍ തുടങ്ങിയ തീയിപ്പോള്‍ യൂറോപ്പിലാകെ പടര്‍ന്നുപിടിക്കുന്നു. ജനം തെരുവിലാണ്. യൂറോപ്പ് നിശ്ചലമാണ്.
കാരണം ഒന്നേയുള്ളു. അതിരൂക്ഷമായ വിലക്കയറ്റം!
ജീവിക്കാന്‍ വഴിയില്ലാതെ സാധാരണക്കാരന് ശ്വാസം മുട്ടുന്നു. ഭക്ഷണത്തിന് വഴിയില്ലാതെ ജനം പൊട്ടിത്തെറിക്കുന്നു. യൂറോപ്പ് കണ്ട ഏറ്റവും വലിയ സാമ്പത്തിക പ്രതിസന്ധിയിലൂടെയാണ് ആ ഭൂഖണ്ഡം ഇപ്പോള്‍ കടന്നുപോകുന്നത്!
എങ്ങനെയാണ് യൂറോപ്പ് ഇത്തരമൊരവസ്ഥയിലെത്തിയത്? ആരാണ് ഇതിന് ഉത്തരവാദി?
ഒന്നാമത്തെ കാരണം: ഊര്‍ജ്ജ പ്രതിസന്ധിയാണ്!
യുക്രെയ്ന്‍ യുദ്ധത്തിന് ശേഷം റഷ്യന്‍ ഗ്യാസ് നിലച്ചു. ഇന്ധനവില ആകാശത്തോളമുയര്‍ന്നു. വൈദ്യുതി ബില്ല് കണ്ട് ജനം അന്തംവിട്ടു നില്‍ക്കുകയാണ്. വീട് ചൂടാക്കാന്‍ പോലും കാശില്ല!
രണ്ടാമത്തെ കാരണം: ഭക്ഷ്യവസ്തുക്കളുടെ വില കുത്തനെ ഉയര്‍ന്നതാണ്.
ഇന്ധനവില ഉയര്‍ന്നതോടെ ഗതാഗതച്ചെലവ് ഇരട്ടിയായി. റൊട്ടിക്കും പാലിനും പച്ചക്കറിക്കും തീവില! സൂപ്പര്‍മാര്‍ക്കറ്റില്‍ കയറാന്‍ സാധാരണക്കാരന് പേടിയാണ്.
മൂന്നാമത്തെ കാരണം: പണപ്പെരുപ്പമാണ്.
സാധനങ്ങള്‍ക്ക് വില കൂടുമ്പോഴും ശമ്പളം പഴയപടി തന്നെ. വാടക കൊടുക്കാന്‍ കാശില്ല. യൂറോപ്പിലെ സമ്പന്ന രാജ്യങ്ങളിലെ ജനങ്ങള്‍ക്കിപ്പോള്‍ രണ്ടുനേരം ഭക്ഷണം കഴിക്കാന്‍ വഴിയില്ല എന്നു പറഞ്ഞാല്‍ അതില്‍ അതിശയോക്തിയില്ല.
ഇതിനെ യൂറോപ്പ് എങ്ങനെ അതിജീവിക്കുമെന്നാണ് എല്ലാവരും ഉറ്റുനോക്കുന്നത്.
യൂറോപ്യന്‍ ഭരണാധികാരികള്‍ക്ക് മുന്നില്‍ വഴികള്‍ കുറവാണ്. സമയം കടന്നുപോകുകയാണ്!
പിടിച്ചുനില്‍്ക്കണമെങ്കില്‍ ബദല്‍ ഊര്‍ജ്ജത്തിലേക്ക് മാറിയേ തീരൂ. ഇന്ധനത്തിനായി റഷ്യയെ ആശ്രയിക്കുന്നത് പൂര്‍ണ്ണമായി അവസാനിപ്പിക്കണം. സോളാറും കാറ്റാടിയന്ത്രങ്ങളും അതിവേഗം പ്രാവര്‍ത്തികമാക്കണം. വന്‍കിട കോര്‍പ്പറേറ്റുകളുടെ കൊള്ളലാഭത്തിനും തടയിടേണ്ടതുണ്ട്.
അതുപോലെതന്നെ തൊഴിലാളികളുടെ വേതനം വര്‍ദ്ധിപ്പിക്കണം. അങ്ങനെ ജനങ്ങളുടെ കൈയില്‍ പണം എത്തിക്കണം. അത് ചെയ്യാതിരുന്നാല്‍ ഈ സര്‍ക്കാരുകള്‍ ഒന്നൊന്നായി വീഴും! ജനരോഷത്തിന് മുന്നില്‍ ഒരു ഭരണകൂടത്തിനും പിടിച്ചുനില്‍ക്കാനാവില്ല!
വികസനത്തിന്റെ മാതൃകയെന്ന് അഹങ്കരിച്ച യൂറോപ്പാണ് ഇപ്പോള്‍ പടുകുഴിയില്‍ വീണിരിക്കുന്നത്. പട്ടിണിയും ദാരിദ്ര്യവും വികസിത രാജ്യങ്ങളുടെ പടിവാതിലിലും എത്തിയിരിക്കുന്നു.
പ്രതിസന്ധി നിസ്സാരമല്ല. യുക്തമായ തീരുമാനങ്ങളുണ്ടായില്ലെങ്കില്‍ ഈ നാളുകള്‍ യൂറോപ്പിന്റെ ചരിത്രത്തിലെ ഏറ്റവും കറുത്ത അധ്യായമായിരിക്കും!
യൂറോപ്പ് അതിജീവിക്കുമോ… അതോ ഈ രോഷാഗ്‌നിയില്‍ കത്തിയമരുമോ?
