തിരുവനന്തപുരം: കനത്ത മഴയും കാറ്റും തുടരുന്ന സാഹചര്യത്തില് അപകട സാധ്യതകള് ഒഴിവാക്കുന്നതിനായി ഇന്ന് 12 ജില്ലകളില് അവധി പ്രഖ്യാപിച്ചു. സംസ്ഥാനത്ത് കൊല്ലം, തിരുവനന്തപുരം ഒഴികെ മറ്റെല്ലാ ജില്ലകളിലും ഇന്ന് അവധിയാണ്. അങ്കണ്വാടി മുതല് പ്രൊഫഷണല് കോളേജുകള്ക്ക് വരെ എല്ലാ ജില്ലകളിലും അവധി ബാധകമാണ്.
തൃശൂര് ജില്ലയിലെ അംഗണവാടികള്, നഴ്സറികള്, കേന്ദ്രീയ വിദ്യാലയങ്ങള്, സി.ബി.എസ്.ഇ, ഐ.സി.എസ്.ഇ സ്കൂളുകള്, പ്രൊഫഷണല് കോളജുകള്, ട്യൂഷന് സെന്ററുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ച് ജില്ലാ കലക്ടര് അര്ജുന് പാണ്ഡ്യന് ഉത്തരവിട്ടു. മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റം ഉണ്ടായിരിക്കില്ല.
കാസര്കോട് ജില്ലയിലെ കോളേജുകള് (പ്രൊഫഷണല് കോളേജുകള് ഉള്പ്പെടെ) സ്റ്റേറ്റ്, സിബിഎസ്ഇ, ഐസിഎസ് സി സ്കൂളുകള് കേന്ദ്രീയ വിദ്യാലയങ്ങള്, അങ്കണവാടികള്, മദ്രസകള് തുടങ്ങിയ വിദ്യാഭ്യാസ സ്ഥാപനങ്ങള്ക്ക് നാളെ (ബുധനാഴ്ച) ജില്ലാ കളക്ടര് കെ. ഇമ്പശേഖര് അവധി പ്രഖ്യാപിച്ചു. മുന്കൂട്ടി പ്രഖ്യാപിച്ച പരീക്ഷകളില് മാറ്റമില്ല.
പത്തനംതിട്ടയില് ശക്തമായ മഴയെത്തുടര്ന്ന് ജില്ലയില് നാളെ പ്രൊഫഷണല് കോളേജുകള്, ട്യൂഷന് സെന്ററുകള് ഉള്പ്പെടെ എല്ലാം വിദ്യാഭ്യാസ സ്ഥാപനങ്ങള്ക്കും കളക്ടര് അവധി പ്രഖ്യാപിച്ചു.
